لحمة الافراح
هتاكلو لحمة الافراح في بيتك وتحدي
تعالو معايا نشوف الطريقة والمقادير علطول
المقادير
كيلو لحمة
بصل شرائح رفيعة
فلفل رومي شرائح رفيعة
3فصوص توم
معلقة كبيرة صلصة
ملح .فلفل اسود
فلفل ابيض مطحون
بهارات لحمة
رشه جوزه الطيب
باكو مرقة
شوربة
معلقة كبيرة سمنة
معلقتين زيت
الطريقه 👇👇👇
هتجيبي اللحمة قطعة واحدة وهتفوريها بس
بمعنى انك هتسلقيها نص سلقة وطبعا نحط الشوربة كرفس وجزر وبصل وطماطم وفلفل
بعدين تطلعي اللحمة وتسيبيها تبرد وتبتدي تقطعيها شرايح
بعدين تقطعي فلفل رومي شرائح وبصل شرايح رفيعة وقطعي فصوص التوم ترنشات
وتجيبي الصينية بتاعتك
تحطي فيها من تحت بصل وفلفل رومي شرايح ورصي فوقيها اللحمة
وحطي فوقيها شرائح بصل والفلفل وابتدي رشي الملح والفلفل والبهارات ورشه الفلفل الابيض المطحون وفصوص التوم ورشه بسيطة من جوزة الطيب
وبعدين هاتي طبق وحطي فيه معلقة الصلصة وعليها كوباية الشوربة ودوبيها كويس جدا
ورشيها علي اللحمة خلي الشوربة توصل لاول اللحمة وبعدين حطي الصينية علي النار وحطي السمنة والزيت وغطيها لغاية ماتغلي
بعدين ولعي الفرن ودخلي جواه الصينية وكل شويه اقلبيها عشان تبقي كلها لون واحد
وانتي بتعمليها هتشمي الريحة بتاعتها وهتعرفي أن الوصفة ناجحه مية في المية
وبعد كده هتكون اخدت لون واستوت كويس وبالف هنا وشفا ليكوا
جربوها هتعجبكوا جدا وبالف هنا وشفا ❤️